عاشیق بهلول شعرلری
بیلمدیم نه اتدیم نیلدیم سنه
ائتدین احوالیمی پریشان فلک
ییخدین گونلومو ایلدین ویران
منیده ایلدین درویشان فلک
گونوگوندن یامان ایلدین حالیمی
پوزدوردون پرگاریمی داغیتدین واریمی
قوهومدان خیصیمدن جمعی اغیاریمی
قویمادون اونلاردان بیر نیشان فلک
بو عاشیق بهلولا ایلدین ظولوم
قویمادون دونیادا شاد اولوم گولوم
دردیردین قونچه می دردین گولومو
نه بولبولی قویدون نه گلشن فلک
گچدی باهار فصلی گلدی زمستان
باغلار خزان اولدی اولماز بار ایندی
گزدیگیم باغی باغچا گلستان
هامیسی ساووشوب یاغار قار ایندی
ییغیلیب مجلیسه بیلر گده لر
اورادا ایچرلر دورلی باده لر
مخفی دیر گیزلینده اولان ادالار
اولوبلار هامیسی آشیکار ایندی
عاشیق بهلول دییر عمروموز کچدی
هامی گدیپ آخیر یامان واخت ایندی
بد اصیل اولانا دونیا گنیشدی
اصیل اولانلارا اولار دار دونیا