آذری تؤرکجه سی
کوره سونلیلر عادتلرینه گؤره گلین،گلین چیخدیکدن سونرا داماد اوینه گدنده،قایناناسی بو شعرلری تورکو حالیندا صوتلا اوخویار کی اونادا ییر دییرلر.بوراداکی آدلار مجازی آنلامدا گلیبلر.
گلین دییر یوخدور آتام
قویونو قوزویا قاتام
حیدر سنین بؤیؤک آتان
گلین خوش گلدین خوش گلدین
گوله نورسته خوش گلدین
قدم قویدون بو گولشانا
گلین خوش گلدین خوش گلدین
گلین دییر یوخدور آنام
بورنومدان آلدیلار تانام
ناردنه سنین بؤیوک آنان
گلین خوش گلدین خوش گلدین
گوله نورسته خوش گلدین
قدم قویدون بو گولشانا
گلین خوش گلدین خوش گلدین
گلین دییر یوخ قارداشوم
کیم اولا منه سیر داشوم
شهروز سنه بؤیؤک قارداش
گلین خوش گلدین خوش گلدین
گؤزلری شهلا خوش گلدین
قدم قویدون بو گولشانا
گلین خوش گلدین خوش گلدین
گلین دییر یوخدور عمیم
کیمه دییم دردی غمیم
فیروز سنین بؤیؤک عمین
گلین خوش گلدین خوش گلدین
گوله نورسته خوش گلدین
قدم قویدون بو گولشانا
گلین خوش گلدین خوش گلدین
گلین دییر یوخدور باجیم
باشیمدان آلدیلار تاجیم
خیال سنین بؤیؤک باجین
گلین خوش گلدین خوش گلدین
زری زوبون دؤنون اولسون
اوزون کؤچه یولون اولسون
داماد سنین قولون اولسون
گلین خوش گلدین خوش گلدین
گلین خوش گلدین خوش گلدین
گلین خوش گلدین خوش گلدین
ناردانه جنگلی